طريقة عمل الكشرى خطوة خطوة بالصور .. من مطبخى

[gihan afifi]

عدد المشاهدات : 25215

بسم الله الرحمن الرحيم
السلام عليكم ورحمه الله وبركاته

المقادير

عدس - أرز - مكرونة اسباجتى - مكرونة صغيرة أو حسب الرغبة

حمص ينقع قبلها بوقت فى ماء دافئ

واتركيه على النار حتى ينضج

أنصحك بنقع الآرز اولا : لايأخذ وقت فى التسوية

ثانيا : حبة الأرز بتنفش وطعمها أجمل

مقادير الصلصة

طماطم + صلصة + ثوم + بصل + ملح + فلفل أسود + كمون + خل + قليل من الزيت

طريقة عمل الصلصة

يشوح الثوم فى الزيت , ونضع قليل من الخل

ويضرب كل المقادير مع بعضها فى الكبة , وتضاف للثوم

وتغلى على النار , حتى نحصل على قوام سميك ( تتسبك )

مقادير الدقة

قليل من الثوم , مع ربع كوب خل , وربع كوب ماء , شطة

يرفع على النار قليلا

نأتى للكشرى

تسلق المكرونة وتصفى

يسلق العدس ويصفى ( ملحوظة هامة جدا )

لاتتخلص من الماء الناتج عن تصفية العدس , سيتم أضافتة للأرز عن التسوية

نخلط المكرونة والعدس مع بعض

ونحتفظ بماء العدس

كما هو موضح بالصورة

وبعد ذلك نبدأ فى عمل الأرز

نحمر بصلتين كبار فى الزيت

يتم أضافة ملح للبصل ( الملح بيخلى البصل مقرمش وجميل )







يتم نشل البصل على ورق حتى يتشرب الزيت







اتركى قليل من البصل فى الزيت , وضعى الأرز عليه













وشربيه بماء العدس
واتركيه حتى ينضج






الطبق على يمين الصلصة شطة جافة يضاف اليها قليل من الماء والثوم وترفع قليل على النار , لاتضاف للصلصة ( توضع لوحدها حسب الرغبة ) والطبق يسار الصلصة هى ( الدقة )


























وهذا الطبق خصيصا
لغزال الرافدين ( كاتبنا محمد سالم )
ابن العراق الحبيبة











وصحتين وهنا

[sama nfr]

ووووووووواو
يابختك يا غزال
شكله رائع تسلم إيدك يا جيجى
طريقه جميله لعمل الكشرى وأول مره أرى طريقة
الأرز
أنا بعمل كل الخطوات عدى خطوه سلق الأرز مع ماء العدس والبصل
بس حجرب أعمله كده
تسلم إيدك وبألف هنا وشفا

[silentemotions]

حتى الكشري من يداكِ ولا أروع
سلمتِ وسلمتِ يداكِ غاليتنا
كل الود والتقدير

[gihan afifi]

حتى الكشري من يداكِ ولا أروع
سلمتِ وسلمتِ يداكِ غاليتنا
كل الود والتقدير

تسلمى حبيبتى .. ويسلم لى طلتك الحلوة
حتى وجودك له مذاق مختلف

ووووووووواو
يابختك يا غزال
شكله رائع تسلم إيدك يا جيجى
طريقه جميله لعمل الكشرى وأول مره أرى طريقة
الأرز
أنا بعمل كل الخطوات عدى خطوه سلق الأرز مع ماء العدس والبصل
بس حجرب أعمله كده
تسلم إيدك وبألف هنا وشفا

منتظرة تجربتك ياجميلة
وبالف هنا مقدما
بوسيلى سما كثييييييييييييييييير

[Moslima]

مجهود مشكور من الغالية ا.جيهان
تسلم ايدك

[gihan afifi]

مجهود مشكور من الغالية ا.جيهان
تسلم ايدك

أشكرك أم مارية الجميلة
على تواجدك ومرورك
ربى لايحرمنا منكِ حبيبتى

[غزال الرافدين]

الف شكر لكِ امي سوف اقوم بطبع الطريقه وعند توقفي في اي خطوه ارجع للأستفسار
والله يا امي أخجلتي بمجهودك هذا
تحياتي لك امي

[غزال الرافدين]

وهذا الطبق خصيصا
لغزال الرافدين ( كاتبنا محمد سالم )
ابن العراق الحبيبة







وصحتين وهنا

سيتم الاستعانه بالوالده لاجل عمل هذا الطبق وطبعا عن طريق العمل المشترك
وربنا يستر انشاء الله لن احرق اي جزء سوف اطلعكم على النتائج
شكرا لكي امي عن جد لقد اتعبتكي كثيرا
شكرا لكي

[gihan afifi]

الف شكر لكِ امي سوف اقوم بطبع الطريقه وعند توقفي في اي خطوه ارجع للأستفسار
والله يا امي أخجلتي بمجهودك هذا
تحياتي لك امي

سيتم الاستعانه بالوالده لاجل عمل هذا الطبق وطبعا عن طريق العمل المشترك
وربنا يستر انشاء الله لن احرق اي جزء سوف اطلعكم على النتائج
شكرا لكي امي عن جد لقد اتعبتكي كثيرا
شكرا لكي

ولا فى مجهود ولا تعب ياغزال أنت تؤمر ونحن تحت أمرك

منتظرة الأطلاع على النتائج
وأى استفسار أنا معاك على الخط

الشكر لله
سلمت وبالهنا والشفا مقدما

[غزال الرافدين]

السلام عليكم
قمت بعمل الكشري باتباع التعليمات ولكن تغافلت عن موضوع الشطه
طبعا الكشري جدا لذيذ احسد المصريين عليها


للوالده الغاليه جيهان مع شكري وتقديري
وبقي ان نجرب الطعميه
تحياتي

[سحر]

تسلم ايدك يا ست جيهان يا مبدعه

و الله شكله حلو و اكيد طعمه احلي

[gihan afifi]

السلام عليكم
قمت بعمل الكشري باتباع التعليمات ولكن تغافلت عن موضوع الشطه
طبعا الكشري جدا لذيذ احسد المصريين عليها


للوالده الغاليه جيهان مع شكري وتقديري
وبقي ان نجرب الطعميه
تحياتي

رائع ياغزال
الطبق شكله مغرى وجميل
سلمت يداك , ويد الوالدة الكريمة

بألف هنا وشفا

تسلم ايدك يا ست جيهان يا مبدعه

و الله شكله حلو و اكيد طعمه احلي

تسلمى ياست الستات

[ساندى]

وصفة راااائعة ومفيش أسهل منها
بجد تسلم إيدك ياجيجى
ومتحرميناش من وصفاتك الرااائعة دى
شكرا ياجيجى ع الوصفة و ع مجهودك الجااامد ده

[سميرة]

تسلم الايادى كشرى جميل و الاجمل انه من اجمل ايد ايد جيجى شكرا يا قمر تسلم ايدك

[gihan afifi]

وصفة راااائعة ومفيش أسهل منها
بجد تسلم إيدك ياجيجى
ومتحرميناش من وصفاتك الرااائعة دى
شكرا ياجيجى ع الوصفة و ع مجهودك الجااامد ده

ربى مايحرمنى منكِ ياساندى دايما مشجعانى

تسلم الايادى كشرى جميل و الاجمل انه من اجمل ايد ايد جيجى شكرا يا قمر تسلم ايدك

تسلمى ياغاليتى سميرة على تشجيعك لى دائما
ويسلم مرورك

[ساندى]

الحونى وباركولى
مش انا بعد ماشوفت الكشرى هنا من ايد جيجى
طقت فى دماغى انى اجرب اعمله ودى اول مره اجرب اعمل الكشرى
لان بصراحه كان شكله شهى جدا ويفتح النفس
فقررت اعمله وبجد مكنتش مصدقه نفسى من النتيجه اللى شوفتها
والله من ساعتها وانا طاقه فى دماغى افتح محل كشرى
بجد ربنا يخليكى لينا ياجيجى ياقمر انتى
حضرتك فتحتى نفسى لانى ادخل المطبخ واتعلم اطبخ وان شاء الله
المره الجاي تبقى حاجه من ايدك برده

بس عندى استفسار صغير
هو الشطه اللى انتى عاملاها انا مش عارفه اعملها
لو ممكن تقولىلى ازاى
علشان ابقى بجد بريمو في الكشرى

[gihan afifi]

الحونى وباركولى
مش انا بعد ماشوفت الكشرى هنا من ايد جيجى
طقت فى دماغى انى اجرب اعمله ودى اول مره اجرب اعمل الكشرى
لان بصراحه كان شكله شهى جدا ويفتح النفس
فقررت اعمله وبجد مكنتش مصدقه نفسى من النتيجه اللى شوفتها
والله من ساعتها وانا طاقه فى دماغى افتح محل كشرى
بجد ربنا يخليكى لينا ياجيجى ياقمر انتى
حضرتك فتحتى نفسى لانى ادخل المطبخ واتعلم اطبخ وان شاء الله
المره الجاي تبقى حاجه من ايدك برده

بس عندى استفسار صغير
هو الشطه اللى انتى عاملاها انا مش عارفه اعملها
لو ممكن تقولىلى ازاى
علشان ابقى بجد بريمو في الكشرى

أشكرك على ذوقك حبيبتى
وأنا سعيدة انك دخلتى المطبخ

الشطة : عارفة الفلفل الأحمر الحامى
تجيبى كام واحد ...أو ربع كيلو وتفرميهم مع فصين ثوم وربع كوب خل وربع كوب ماء وشطة جافة وملح ومعجون طماطم ( الصلصة )
وبعد فرمهم
ضعى ملعقة زيت ذرة على النار وصبى الخليط عليها.. واتركيها تغلى 10 دقائق
واللى يفضل ضعيه فى كيس فى الفريز لمرة تانية

أو أقولك تشترى دماغك من كل دة
أفصلى شوية صلصة على جنب .. وضعى الشطة الجافة عليها على حسب الرغبة

أنا كمان بموت فى الكشرى مشطشط

[ساندى]

القلوب عند بعضها بقى
انا بموت فحاجه اسمها شطه
ومره تانيه ربنا يخليكى لينا

[فنكين]

السلام عليكم
دلوقتي تقدر تعرف اخر اخبار و اخر عروض من علي

[gihan afifi]

السلام عليكم
دلوقتي تقدر تعرف اخر اخبار و اخر عروض من علي

نشكر تواجد سيادتكم
ممنوع وضع روابط دعائية
تم حذف الرابط

[منىمحمود]

بسم الله الرحمن الرحيم

جربوه و ان شاء الله هيعجبكم

[محمد]

أعشقه عشقا "معشقا" ...
صيغة مبالغه ....



المشكله ان زيادة اسعار العدس .... جعلت "الكشري المصري" حاليا ... أشبه بطاجن مكرونه

سلمت يداكي سيدتي ...

[gihan afifi]

أعشقه عشقا "معشقا" ...
صيغة مبالغه ....



المشكله ان زيادة اسعار العدس .... جعلت "الكشري المصري" حاليا ... أشبه بطاجن مكرونه

سلمت يداكي سيدتي ...

عندى واحدة مدمنة .. بدون مبالغة
لدرجة ان مدرب فريقها حكى لى ... انه فى أثناء اجتماع رئيس مجلس الأدارة
مع مدربين الفرق للأتفاق على نوعية الوجبات الصحية المناسبة التى تقدم لهم قبل المباريات
من لحم مشوى وسلطات وماالى ذلك

قاله : طيب وايه رأيك يادكتور
فى أن أنا عندى لاعبة
لاتأكل قبل المباريات الا الكشرى

ويأس منها المدرب فى ان كل البنات تذهب لتأخذ وجبتها وهى تطلب كشرى
وكثيرا ماتبادل معهاالحوار فى انه سيسبب لها خمول وخصوصا انهن يلعبن بعد يوم دراسى شاق
ولم يفلح

الأن بعد أن ياس ووجد انها تلعب بدون مشاكل
هو الذى يسألها الأن
ويطمئن على انها تناولت العلبه

بيقولى تصدقى : أن البنات فى التايم أوت أتناقش معهن فى فنيات اللعب
وأبنتك بحضر لها قطنة بها خل .. وحقنة صلصة

[Eng-Maher]

ايه الجمال دا حلو الكشرى دا خالص ... بس فى حاجه انا مش بحبها فى الكشرى المصرى تقريبا .. اضافه الخل والثوم الى الصلصه .. بيعمل (حموضه عاليه جدا عندى ) ولما سألت بعض اصحابى قالوا لى احنا برضوا نفس الشىء الحموضه ..

بس تسلم ايد الاستاذه الفاضله جيهان على هذا الكشرى الصاروخى ..ميرسى

[gihan afifi]

ايه الجمال دا حلو الكشرى دا خالص ... بس فى حاجه انا مش بحبها فى الكشرى المصرى تقريبا .. اضافه الخل والثوم الى الصلصه .. بيعمل (حموضه عاليه جدا عندى ) ولما سألت بعض اصحابى قالوا لى احنا برضوا نفس الشىء الحموضه ..

بس تسلم ايد الاستاذه الفاضله جيهان على هذا الكشرى الصاروخى ..ميرسى

الجمال هو تشريف مهندسنا الكبير اكلاتى المتواضعة

هو الكشرى يابشمهندس مالوش حل .. جماله فى صلصته وتومه وخله ...... وحموه
انت تجهز قبل الأكل اسلحتك .. من الفوار .... والسفن اب
وأُدخل بتقلك


تسلم على ذوقك

[الفهدالأسمر]

راااااااااااااااااااااااااااااااائع والله وحشني الكشري المصري هأعمله بنفسي وربنا يستر
سلمت يدااااااااااااااااااااااااك أستاذة جيهان ولا أروع سردك الجميل

[gihan afifi]

راااااااااااااااااااااااااااااااائع والله وحشني الكشري المصري هأعمله بنفسي وربنا يستر
سلمت يدااااااااااااااااااااااااك أستاذة جيهان ولا أروع سردك الجميل

تسلم على وجودك أخى الفاضل

منتظرة تجربتك .. وربنا هيستر وهيطلع شهى لأن يديك الكريمتين هى من صنعته ...وليست الطريقة

[الفهدالأسمر]

منتظرة تجربتك .. وربنا هيستر وهيطلع شهى لأن يديك الكريمتين هى من صنعته ...وليست الطريقة

الحمد لله ربنا ستر وطلع ممتاز لأن الطريقة التي وضعتيها حضرتك سهلة التنفيذ وشرحتيها بطريقة ممتازة سلمت يداك

[gihan afifi]

الحمد لله ربنا ستر وطلع ممتاز لأن الطريقة التي وضعتيها حضرتك سهلة التنفيذ وشرحتيها بطريقة ممتازة سلمت يداك

سلمت يداك لأنه من صنع يديك الكريمتين

اشكرك

[آية الله]

أستاذة يا مدام جيجي
أنا بعمله بس بخلط الرز والعدس واسيبهم يستوو سوا والمكرونه بتبقي لوحدها خالص
تسلم إيدك

[gihan afifi]

أستاذة يا مدام جيجي
أنا بعمله بس بخلط الرز والعدس واسيبهم يستوو سوا والمكرونه بتبقي لوحدها خالص
تسلم إيدك

ويسلم مرورك حبيبتى

[siham kamal]

حبيبتى أحب الكشرى كثيرا ... ولكن من يديك أصبحت أعشقه ..

[gihan afifi]

حبيبتى أحب الكشرى كثيرا ... ولكن من يديك أصبحت أعشقه ..

وأنا اعشق مرورك سيدتى..

[siham kamal]

حبيبتى أ جيجى .. لقد كتب تعليقا من قبل على طبق الكشرى المبهر ولم أجده ضمن التعليقات ربنا يستر .. المهم أقول: كنت أحب الكشرى والآن بعد عرضك الجميل اصبحت أعشقه كما كنت اعتقد أنى من المبدعات فى عمل الكشرى ولكنى إكتشفت أنى تلميذة صغيرة فى مدرستك وهذا شرف لى .. لقد أفادتنى لمساتك الساحرة .. سلمت يداك .

[gihan afifi]

حبيبتى أحب الكشرى كثيرا ... ولكن من يديك أصبحت أعشقه ..

حبيبتى أ جيجى .. لقد كتب تعليقا من قبل على طبق الكشرى المبهر ولم أجده ضمن التعليقات ربنا يستر .. المهم أقول: كنت أحب الكشرى والآن بعد عرضك الجميل اصبحت أعشقه كما كنت اعتقد أنى من المبدعات فى عمل الكشرى ولكنى إكتشفت أنى تلميذة صغيرة فى مدرستك وهذا شرف لى .. لقد أفادتنى لمساتك الساحرة .. سلمت يداك .

موجودة مشاركتك الغالية حبيبتى
وهذا من حسن حظى ..لأحظى بشرف مشاركتين منكى حبيبتى

سلمتى لنا .. ولأحبتك

[كراميش السلام]

انا تأكد ان الطبخ ذوق فن موهبة
حتى الكشري له شكل تاني روووووووووعة
سلمت يداك يا سيدي

[gihan afifi]

انا تأكد ان الطبخ ذوق فن موهبة
حتى الكشري له شكل تاني روووووووووعة
سلمت يداك يا سيدي

وجودك حبيبتى هو اللى ليه شكل تانى أروع
تسلمى