فراخ بانيه بطريقة جديدة

[silentemotions]

عدد المشاهدات : 15322

السلام عليكم
جبتلكوا طريقة جديدة للفراخ البانيه مش مشوية ولا بالبيض والبقسماط ولا مسلوقة ولا محشية ولا شيش طاووق

اولا المكونات

1 كيلو فراخ بانيه متوسطة الحجم والسٌمك

3 حبات بطاطس و3 حبات جزر و2 حبة بصل و4 حبات فلفل
ربع كيلو زيتون اسود او اخضر

10 ملاعق جبنة موزريلا مبشورة
4 ملاعق جبنة رومى مبشورة

كوب صلصة متوسط مخفف بالماء

نصف كوب زيت

واخيرا التوابل

ثانيا الطريقة:

نحضر وعاء القلى ونملاءه بالزيت
نقوم بتحمير الفراخ بدون اى اضافات كما هى بدون دقيق او بيض او بقسماط
نقوم برفعها على ورق لامتصاص الزيت جيدا
نحضر صينية كبيرة ونضع نصف كوب الزيت ثم نضيف جميع الخضار بعد تقطيعه الى قطع صغيرة باستثناء الزيتون هانضيفه فى الاخر
نحمر الخضار فى الزيت لمدة تلت ساعة حتى نشعر انه اصبح طريا وقابل للمضغ
نقوم بوضع الفراخ المحمرة على وش الخضار بالترتيب حتى نملا الصينية نضيف الصلصة ونترك الضينية حتى تغلى لمدة 7 دقايق ثم نضيف اخيرا الجبنة الموزريلا والرومى والشيدر- حسب الرغبة ممكن اكتر من نوع جبنة -ثم نضيف الزيتون والملح والفلفل وندخلها الفرن لمدة تلت ساعة على درجة حرارة متوسطة

انا مجربتهاش جربوا وقولولي

[hobaprince]

انا بحب الفراخ البانيه جدا , و أعتقد ان الطريقه دى ممكن تكون حلوه .

هى طريقه جديده و ان شاء الله هجربها و اقول ليكى.

تسلم ايديكى , و شكرا جدا لكى .

[silentemotions]

بألف هنا يادكتور
في انتظار نتائج التجربه

[احمد]

بألف هنا يادكتور
في انتظار نتائج التجربه

ربنا يستر احنا نستنى نشوف الدكتور ايهاب والنتيجة اية وبعدين
يمكن نفكر نجرب
ولو ان الصور تجوع

[دينا جابر]

أهلا سيلنت
شكل الزيتون يجنن ولمعته تحفه
تسلمى حبيبتى

[silentemotions]

ربنا يستر احنا نستنى نشوف الدكتور ايهاب والنتيجة اية وبعدين
يمكن نفكر نجرب
ولو ان الصور تجوع

أنا معاك ان شاء الله
مش عاوزة أجرب في معدة حد
بس واضح انها فعلا طريقه لذيذه

[silentemotions]

أهلا سيلنت
شكل الزيتون يجنن ولمعته تحفه
تسلمى حبيبتى

الزيتون بس اللي عجبكِ؟؟؟؟؟؟
اتفضليه بألف هنا

[رفيف]

تسلم ايدك يا سيلنت الصور بجد تجوع

[سميرة]

تسلمى سيلينت على اختراعاتك

جميلة الطريقة دى

[silentemotions]

اهلا رفيف وسميرة
شرفتوا الموضوع